દ્વારમાં ક્યાંય આવકાર નથી,
આપણામાંય કંઈ ખુમાર નથી.

જ્યાં સુધી તું પૂરો ખુવાર નથી,
ત્યાં સુધી ક્યાંય પણ સ્વીકાર નથી.
વિવેક મનહર ટેલર

ગઝલ – શ્યામ ઠાકોર

સોગન કાયમ જળના ખાતો,
જળથી તારે શું છે નાતો ?

પાષાણો છે એ શું બોલે ?
જળને પૂછો જળની વાતો.

જળને આ શું થઈ ગ્યું પાછું ?
કાં છે જળનો ચ્હેરો રાતો ?

જળને ડ્હોળી નાંખ્યું કોણે ?
કોણે મારી જળને લાતો ?

જળ તો ભોળું, જળ શું જાણે;
જળને માથે જળની ઘાતો.

– શ્યામ ઠાકોર

મજાની મુસલસલ ગઝલ. કલમ લઈને દોરેલું પાણીનું પાણીદાર ચિત્ર.

4 Comments »

  1. Jigar said,

    March 17, 2016 @ 5:11 am

    બહોત ખ઼ુબ

  2. Bhadresh Joshi said,

    March 17, 2016 @ 7:20 pm

    vichar vistar karo.

    It is a musalsal gazal, but how can a person of my alibre understand, enjoy the gazal. Dear Vivekbha / Pragnaju, please explain. Thanks.

  3. વિવેક said,

    March 18, 2016 @ 1:50 am

    @ ભદ્રેશભાઈ જોશી:

    મુસલસલ ગઝલ એટલે એવી ગઝલ જેમાં એક જ વિચારને કેન્દ્રસ્થાને રખાયો હોય.

  4. Natvarsinh said,

    March 19, 2016 @ 6:56 am

    ખૂબ સરસ ,

RSS feed for comments on this post · TrackBack URI

Leave a Comment