રોજ વધતી વય શરીરી ધર્મ છે મંજૂર પણ,
મોટા કે ઘરડા થવું છે, એટલું નક્કી કરો.
– ગૌરાંગ ઠાકર

ચાર-પાંચ – અલ્પેશ ‘પાગલ’

એકાદ-બે ડૂમા અને ડૂસકાં પડ્યાં છે ચાર-પાંચ,
તેં ના કહેલી વાતના પડઘા પડ્યા છે ચાર-પાંચ.

એ હસ્તરેખા જાણનારા ખાનગીમાં કહું તને,
ખિસ્સામાં મારા ભાગ્યના તારા પડ્યા છે ચાર-પાંચ.

એકાદ ભીની યાદ કૈં તડપાવવા ઓછી હતી,
પાછાં સ્મરણ વરસાદમાં ન્હાવા પડ્યાં છે ચાર-પાંચ.

તેં સાવ સાચું કહી દીધું કો’ની શરમ રાખી નહીં,
મારા ‘ઇગો’ પર જોઈ લે ગોબા પડ્યા છે ચાર-પાંચ.

હું ગ્યા જનમમાં એક પંખી હઈશ લાગે છે મને,
મારા ગળામાં આજ પણ ટહુકા પડ્યા છે ચાર-પાંચ.

મારી દલીલો તો બધી ખૂટી પડી, હારી ગયો,
ને એમની પાસે હજી મુદ્દા પડ્યા છે ચાર-પાંચ.

એક જ હતી બસ ભૂલ ને એક જ સજા એની હતી,
‘પાગલ’ જગતને કારણો ધરવાં પડ્યા છે ચાર-પાંચ.

– અલ્પેશ ‘પાગલ’

6 Comments »

  1. Keyur said,

    February 6, 2016 @ 3:22 AM

    This is awesome Alpesh bhai. I just loved it. ખુબજ સુંદર રચના. અપ્રતિમ રદીફ કાફિયા…👌👌👌👌👌

  2. KETAN YAJNIK said,

    February 6, 2016 @ 6:01 AM

    ગમેી

  3. Bhadresh Joshi said,

    February 6, 2016 @ 7:24 AM

    પાગલે તો પાગલ કરિ દિધા.

  4. dr dharmesh said,

    February 6, 2016 @ 7:55 AM

    જિગરભાઇ જોષી એ આપના વિશે સરસ અને આત્મિય અનુભવો જણાવ્યા… અને તમારો ભેગો સન્ગ્રહ પણ બતાવ્યો. આપની રચનાઓ ખુબ જ સરસ છે. અને આ રચના પણ..

    જ્યા એક નો ભાર ઉપડે એમ નથી ત્યા ચાર-પાંચ એવી આ બાબતો, મુદ્દદા અને કારણો..!

  5. Harshad said,

    February 6, 2016 @ 9:28 PM

    Like it. Good creation.

  6. ચૈતન્ય અમૃતલાલ શાહ said,

    February 7, 2016 @ 12:21 PM

    ખુબ સરસ..અલ્પેશભાઇ…
    ઉમેરો….
    દુશ્મન નથી કોઇ, ઘણા છે સગા સબંધી અને મિત્રો
    ધ્યાનથી જો, પીઠ પાછળ ઘા પડ્યા છે ચાર-પાંચ

RSS feed for comments on this post · TrackBack URI

Leave a Comment