તું તો માળી છે – ગૌરાંગ ઠાકર
જળનો જળમાં અભિનય થોડો છે,
પણ બરફને પરિચય થોડો છે ?
એ જો આવે તો પછી જાય નહીં,
દોસ્ત, ખાલીપો સમય થોડો છે ?
કેમ હાંફે છે ? તું તો માળી છે,
પાનખર છે આ, પ્રલય થોડો છે ?
તમને કઈ રીતે પ્રણય સમજાવું ?
શાસ્ત્રનો કોઈ વિષય થોડો છે ?
હું કરું ને કહું તેં જ કર્યું,
આ વિનય… ઓછો વિનય થોડો છે ?
– ગૌરાંગ ઠાકર
મજાની ગઝલ. ખાલીપાવાળો શેર જોરદાર પણ વિનયવાળો શેર? વાહ, કવિ વાહ !!!
Girish Parikh said,
December 24, 2015 @ 1:03 AM
માનશો? આ શેર ઈન્વેસ્ટીંગ ટ્રેડીગના ક્ષેત્રને પણ લાગુ પડે છેઃ
કેમ હાંફે છે ? તું તો માળી છે,
પાનખર છે આ, પ્રલય થોડો છે ?
આ વિશે http://www.GirishParikh.wordpress.com બ્લોગની “ગિરીશ ઈન્વેસ્ટીંગ ટ્રેડીંગ” કેટેગોરીમાં લખવા પ્રયત્ન કરીશ.
ઉમેરું છું કે “શેર” શ્બ્દ ઈન્વેસ્ટીંગ ટ્રેડીંગ ક્ષેત્રનો પણ છે!
KETAN YAJNIK said,
December 24, 2015 @ 5:02 AM
ખાલીપામાં ખાલીપાથી ખાલી પાથી હાંફી જવાનું
સાથીથી ખાલીપો એવું તે હોતું હશે?અનુભવ આટલો ઓછો થોડો છે?
ઈન્વેસ્ટીંગ ટ્રેડીંગનો માળી ! | Girishparikh's Blog said,
December 24, 2015 @ 2:17 PM
[…] “તું તો માળી છે” ગઝલની લીંકઃ https://layastaro.com/?p=13346 All writings of Girish Parikh posted on this blog (www.GirishParikh.wordpress.com), and […]
CHENAM SHUKLA said,
December 25, 2015 @ 2:45 AM
વાહ દરેક શેર સુંવાળા બન્યા છે …..વિનય વાળો શેર તો મસ્ત ………ગૌરાંગભાઈ ખુદ પણ એટલાજ વિનયી છે
Harshad said,
December 26, 2015 @ 8:52 PM
વાહ બહૂત ખૂબ !! સુન્દર ગઝલ .
nehal said,
January 3, 2016 @ 12:11 PM
એ જો આવે તો પછી જાય નહીં,
દોસ્ત, ખાલીપો સમય થોડો છે ?
તમને કઈ રીતે પ્રણય સમજાવું ?
શાસ્ત્રનો કોઈ વિષય થોડો છે ?
સરળ શબ્દોમાં અદ્ભૂત ગઝલ!