ભૂલ થાય?!… – મહેશ દાવડકર
હા, બને કે જીવવામાં ભૂલ થાય;
શું કોઈને ચાહવામાં ભૂલ થાય?
છત ને દીવાલો બિચારી શું કરે !
જ્યારે પાયા નાંખવામાં ભૂલ થાય…
એનું ચોક્કસ માપ કંઈ હોતું હશે !
લાગણીને માપવામાં ભૂલ થાય.
જ્યારે-જ્યારે સત્યથી અળગા થયા,
ત્યારે-ત્યારે બોલવામાં ભૂલ થાય.
આંખ હો કમજોર તોપણ શું થયું !
જાતને કંઈ વાંચવામાં ભૂલ થાય !
પૂછે છે કાયમ પતંગિયું ફૂલને –
તું ખીલે, તો ખીલવામાં ભૂલ થાય?
– મહેશ દાવડકર
સારી ગઝલ માણવામાં કંઈ ભૂલ થાય ?
ગઝલના ઉપાડમાં જ કવિ “હા” કહીને જીવવામાં ભૂલ થઈ શકે એનો મોકળો સ્વીકાર કરી લે છે પણ પછી તરત જે પ્રશ્ન પૂછે છે એ વિચાર માંગી લે એવો છે. આ પ્રશ્ન સાચવીને સમજીએ તો આપણા સંબંધોના સમીકરણોમાં ભૂલ થવાની શક્યતાઓ વધી જાય છે.
Vikas Kaila said,
December 19, 2015 @ 2:37 AM
મસ્ત ગઝલ્
મજા પડી
KETAN YAJNIK said,
December 19, 2015 @ 3:25 AM
સરસ્
Kiran Chavan said,
December 19, 2015 @ 3:58 AM
સુંદર ગઝલ.
Kirit said,
December 19, 2015 @ 9:02 AM
ખૂબ સરસ
કોઇને ચાહવામાં ભૂલ ન થાય
સુનીલ શાહ said,
December 19, 2015 @ 10:05 AM
બહુ જ સુંદર અભિવ્યક્તિ
Maheshchandra Naik said,
December 19, 2015 @ 5:03 PM
સરસ ગઝલ……કવિશ્રી ને અભિનદન….
Harshad said,
December 21, 2015 @ 7:59 PM
Vah..! Beautiful.