કદીએ – અશોકપુરી ગોસ્વામી
સમંદર ના થયો મીઠ્ઠો કદીએ,
વલણ બદલ્યું નહીં તો પણ નદીએ.
અમે વરસાદ ઝીલ્યો એકચિત્તે,
ન સંઘર્યું કૈં જ કાણી બાલદીએ.
રહ્યો સીધો સરળ જણ છેક સુધી
અહીંયા થાપ ખાધી મુત્સદ્દીએ.
બને ઇતિહાસ એવી ખૂબ જરૂરી
ક્ષણોને સાચવી લીધી સદીએ.
બધું વ્યય થઈને; શું બાકી રહ્યું આ !
સતત મૂંઝવ્યો મને વધતી વદીએ.
– અશોકપુરી ગોસ્વામી
કેવી મજાની ગઝલ ! બધા જ શેર શાનદાર…
narendrasinh said,
November 27, 2015 @ 3:21 AM
ખુબ સુન્દર , હર શેર લાજ્વાબ
Maheshchandra Naik said,
November 28, 2015 @ 2:38 AM
વાહ,વાહ….સરસ ગઝલ…….
Harshad said,
November 28, 2015 @ 9:36 PM
મનનીય રચના.
કદીએ,-– અશોકપુરી ગોસ્વામી | વિજયનું ચિંતન જગત- said,
December 3, 2015 @ 6:51 AM
[…] https://layastaro.com/?p=13241 […]