અમે તો સૂઈ લીધું રાત આખી શાંત નિદ્રામાં,
નડી તમને એ વાતો જે તમે રાખી હતી મોઘમ.
વિવેક મનહર ટેલર

(-) – લતા હિરાણી

પાનખરમાં પીળાં પાનને
લીલાં સપનાં જોવાની છૂટ છે
એની પીળી નસોમાં
સોનેરી તડકો સચવાયેલો છે
એની ચમકતી ત્વચામાં
કુમળી પાંદડીઓનો મીઠો સ્પર્શ
હજી ફોરી રહ્યો છે
ડાળીએથી હજી એ ખર્યું નથી
ઊંડે ઊંડે હજી એનામાં ભીનાશ વહ્યા કરે છે
એ પ્રતીક્ષા કરે છે
આકાશે ઊડતો કોઈ યક્ષ
કદાચ એને વસંતનું વરદાન દઈ દે….

– લતા હિરાણી

ખરતાં પાનની લીલી વાતો…

7 Comments »

  1. નિનાદ અધ્યારુ said,

    November 13, 2015 @ 12:41 am

    એની પીળી નસોમાં

    વાહ !

  2. KETAN YAJNIK said,

    November 13, 2015 @ 7:18 am

    हज़ारो ख्वाहिशें ऐसी की हर ख्वाहिश पे ……

  3. Kirit shrth said,

    November 16, 2015 @ 8:16 am

    I like it

  4. સાધના વૈદ્ય said,

    November 17, 2015 @ 4:31 pm

    ખરતા એ પીળા પાન ની લીલા થઇ ખિલી ઉઠવા ની જાણે જીજીવિષા

    ખુબ સુંદર

  5. rasila kadia said,

    November 19, 2015 @ 12:36 pm

    સરસ. છેલ્લી બે પન્ક્તિઓ તો બહુ જ ગમી-યક્ષ અને વસન્તનુ વરદાન-અભિવ્યક્તિ સુન્દર

  6. lata hirani said,

    November 27, 2015 @ 3:24 am

    આભાર સૌનો.

  7. La Kant Thakkar said,

    November 30, 2015 @ 12:16 am

    નાઈટમેર કે વિશફુલ થીંકીંગ? ” ..કોઈ ભીનાશ પીળા પાનને કામ આવે ખરી ?!
    “ચમત્કારો હજીયે ઘટે !/ઘટી શકે”માં “શ્રધ્ધા-આસ્થા” એક ” હોની પરનો “વિશ્વાસ ” જૂદું દૃષ્ટિ-બિંદુ –
    સઘન પ્રયતનોસહ આશાવાદી પણું ! ક્યારેક પીળા પાનમાં ” એક ચાર્મ-ગ્રેસ”ની ચમક-ઝલક બતાવી શકે ! એ સમગ્રપણે નકારી ણ જ શકાય ! “કુછ ભી હો સકતા હૈ ”
    “..એ પ્રતીક્ષા કરે છે………………………………………………………………………………….. ”
    ઝીંદગી “…પ્રલં………………………………………………………………………..બ “પ્રતીક્ષાનું
    બીજું નામ જ !

RSS feed for comments on this post · TrackBack URI

Leave a Comment