સંબંધમાં આ દિલ કશે આગળ ના જઈ શક્યું,
જે પણ ગલી મળી એ ઘણી સાંકડી મળી.
વિવેક મનહર ટેલર

કિનારા પર – ગની દહીંવાળા

સદા ચાલ્યા કરેછે શ્વાસ કોઈના ઇશારા પર,
જીવન જીવી રહ્યો છું કેટલા નાજુક સહારા પર !

મળ્યું વ્યાકુળ હ્રદય તેમાંય ચિનગારી મહોબ્બતની,
જીવનદાતા ! મૂકી દીધી ખરેખર આગ પારા પર.

કવિ છું, વિશ્વની સાથે રહ્યો સબંધ એ મારો,
હસે છે એ સદા મુજ પર,રડું છું, એ બિચારા પર.

હ્રદય સમ રાહબર આગળ ને પાછળ કૂચ જીવનની,
તમન્નાઓ મને ઠરવા નથી દેતી ઉતારા પર.

અષાઢી વાદળો ! મુજ આંગણે વરસો ન આ વરસે,
વરસવું હોય તો વરસો મને તરસાવનારા પર.

જીવન-સાગરમાં તોફાનોની મોજ માણો ભરદરિયે,
‘ગની’, ડૂબી જશે, અગર નૌકા આવી કિનારા પર.

******

બહુ સહેલાઈથી કષ્ટો મને આપ્યાં છે દુનિયાએ,
બહુ મુશ્કેલીએ તારી નિકટ આવી શક્યો છું હું.

– ‘ગની’ દહીંવાળા

એક સરળ હ્રદયની વાણી છે આ…..એક સંવેદનશીલ દિલની કથની છે. ગનીચાચાની ખૂબી જ એ હતી કે તેઓના કવનમાં દર્શન સહજ હતું.

5 Comments »

  1. Panchal Mandar Rajubhai said,

    August 23, 2015 @ 2:57 am

    સુપર ગજલ

  2. naresh dodia said,

    August 23, 2015 @ 4:19 am

    અષાઢી વાદળો ! મુજ આંગણે વરસો ન આ વરસે,
    વરસવું હોય તો વરસો મને તરસાવનારા પર.
    વાહ..

  3. Yogesh Shukla said,

    August 23, 2015 @ 10:28 pm

    હુ સહેલાઈથી કષ્ટો મને આપ્યાં છે દુનિયાએ,
    બહુ મુશ્કેલીએ તારી નિકટ આવી શક્યો છું હું.

    – ‘ગની’ દહીંવાળા

    સરસ રચના

  4. KETAN YAJNIK said,

    August 25, 2015 @ 10:18 am

    “Forgive, O Lord, my little jokes on Thee
    And I’ll forgive Thy great big one on me.”
    ― Robert Frost
    હેયાની વાત
    ગનીસાહેબને સલામ

  5. Harshad said,

    August 25, 2015 @ 8:39 pm

    ગની ચાચાને સલામ ! સુન્દર ગઝલ .

RSS feed for comments on this post · TrackBack URI

Leave a Comment