તમે અમારાં ગુરુ – નટરાજ બ્રહ્મભટ્ટ
તમે અમારાં ગુરુ મીરાં !
તમે અમારાં ગુરુ
રોજ હવે તો હરિરસ ભાવે, ઘર લાગે છે તૂરું
મીરાં ! તમે અમારાં ગુરુ.
અમે તમારા શબ્દોની આંગળિયું પકડી ચાલ્યા,
અમે તમારા ભાવભુવનમાં ગગન ભરીને મ્હાલ્યા
તમે બતાવ્યું નામ, ઠામ ઠેકાણું પૂરેપૂરું.
મીરાં ! તમે અમારાં ગુરુ.
તમે કંઠમાં કેદ કર્યાં’તાં મોરપિચ્છ ને વેણુ
અમે તમારી કંઠી બાંધી, ઘટનું એ જ ઘરેણું
શ્વાસ હવે તો શામળિયો ત્યાં કોણ કરે કંઈ બૂરું !
મીરાં ! તમે અમારાં ગુરુ.
ગુરુ અમોને માંડ મળ્યાં છે ઘટમાં ઘાયલ ઘેલાં
રાત દિવસ બસ રાતામાતા એ જ ચીલામાં ચેલા
બાઈ મીરાંને લખવાનું કે તમે ઝૂર્યાં એમ ઝૂરું.
મીરાં ! તમે અમારાં ગુરુ.
– નટરાજ બ્રહ્મભટ્ટ
ગઈકાલે ગુરુપૂર્ણિમા ગઈ… એના ઉપલક્ષમાં આજે એક મજાનું ગીત…
rasikbhai said,
August 1, 2015 @ 8:27 AM
બહુ સુન્દર તાજગિ ભર્યુ ગિત્.
વિજયનું ચિંતન જગત- said,
August 1, 2015 @ 9:39 AM
[…] તમે અમારાં ગુરુ – નટરાજ બ્રહ્મભટ્ટ […]
Yogesh Shukla said,
August 1, 2015 @ 10:24 AM
સુંદર રચના , શ્રી નરસિંહ મેહતા યાદ આવ્યા ,
Rasik juthani said,
August 1, 2015 @ 1:42 PM
ર ગે ર્ ગ
Rasik juthani said,
August 1, 2015 @ 2:04 PM
Rage rag ma Mira mira no nad gundi uthyo. Must geet. Congrats.
Pravinchandra said,
August 2, 2015 @ 2:36 PM
જરા પણ કે’વા જેવું બાકી રાખ્યું નહીં.
કવિતા લખવી તો આવી લખવી રહી.
‘ને ના લખાય તો ક્ંઈ વાંધો નૈ,ભાઈ.
પણ કવિતાતો આવી જ લખવી રહી.
Poonam said,
August 3, 2015 @ 2:59 AM
Nice 1…
Harshad said,
August 8, 2015 @ 10:21 PM
Very nice. After long time enjoyed something
about Meera!!!