તમે સામે જ બેઠાં, રાખ્યું મારું માન આહાહા,
હું શું બોલું ? મને લાગી ગયું છે ધ્યાન આહાહા !
કિરણસિંહ ચૌહાણ

મસ્ત છે – જિજ્ઞા ત્રિવેદી

મસ્ત છે આ મૌનની જાહોજલાલી,
એટલે ખપતા નથી શબ્દો શરાબી.

કંકુ ચોખાથી વધાવ્યાં સંસ્મરણ ત્યાં
આંખમાં વરસી ગયાં વાદળ અષાઢી.

જે અદાથી દૃશ્ય ઝીલાતું રહ્યું એ
જોઈને લાગે નજર જાણે નવાબી.

શાન છે સંધ્યા સમયના હોઠની કે,
કોઈએ ઉન્માદની લાલી લગાડી ?

કંટકોને રોકડું પરખાવવામાં,
ફૂલ થઈ જાશે હવે હાજરજવાબી.

– જિજ્ઞા ત્રિવેદી

ભાવનગરના કવયિત્રી જિજ્ઞા ત્રિવેદી એમનો બીજો ગઝલ સંગ્રહ “શુકન સાચવ્યાં છે” લઈને આવ્યાં છે. એક મજાની ગઝલ સાથે લયસ્તરોના આંગણે એમનું સસ્નેહ સ્વાગત છે.

3 Comments »

  1. yogesh shukla said,

    June 18, 2015 @ 9:50 am

    સરસ મઝાની રચના ,
    મસ્ત છે આ મૌનની જાહોજલાલી,
    એટલે ખપતા નથી શબ્દો શરાબી.

    શરાબી ને જગ્યાએ ફરેબી હોત તો કેવું ? શરાબી થોડો સસ્તો શબ્દ છે

  2. Harshad said,

    June 20, 2015 @ 7:11 pm

    Bahut khub Jigna. After reciting your Gazal I would like to call you MAST…MAST ! Just kidding. May God bless you and inspire you to give us more and more beautiful creation.

  3. Jigna Trivedi said,

    June 22, 2015 @ 11:52 pm

    વિવેકભાઈ આપનો હૃદયપૂર્વક આભાર.
    યોગેશભાઈ તેમજ હર્ષદભાઈનો પણ હાર્દિક આભાર.

RSS feed for comments on this post · TrackBack URI

Leave a Comment