ખિસ્સામાં લાગણી લઈ ફરશો બજારમાં
સિક્કા તો એનાં એ જ છે ચલણો નવાં નવાં
– હરિશ્ચંદ્ર જોશી

વધારે છે – ભરત વિંઝુડા

આગ નહીં, આગથી વધારે છે,
તું રતિરાગથી વધારે છે !

એટલે કે તું એક વન આખું,
યાને કે બાગથી વધારે છે !

તેં ઉપર ચિત્ર એવું દોર્યું જે,
ભીતરી દાગથી વધારે છે !

તું મને છોડી દે છે એ ઘટના,
કોઈ પણ ત્યાગથી વધારે છે !

પૂછ સંસાર છોડનારાને
શું અનુરાગથી વધારે છે !

– ભરત વિંઝુડા

રદીફ “વધારે” પર જેટલું વધારે ધ્યાન આપીએ એટલી વધારે મજા આવે એવી ગઝલ…

ભરત વિંઝુડા એમના છઠ્ઠા ગઝલસંગ્રહ “લાલ લીલી જાંબલી” સાથે ગુજરાતી ગઝલરસિકો સામે ઉપસ્થિત થયા છે એ પ્રસંગે એમનું સહૃદય સ્વાગત…

5 Comments »

  1. mehul patel said,

    May 28, 2015 @ 3:16 AM

    બિજો શેર આહા અદ્ભુત

  2. રાકેશ ઠક્કર said,

    May 28, 2015 @ 3:59 AM

    વાહ !
    તું મને છોડી દે છે એ ઘટના,
    કોઈ પણ ત્યાગથી વધારે છે !

  3. yogesh shukla said,

    May 29, 2015 @ 12:30 AM

    સરસ રચના

  4. Harshad said,

    May 30, 2015 @ 8:59 AM

    Beautiful

  5. Sudhir Patel said,

    June 5, 2015 @ 10:39 PM

    વાહ, ગઝલિયતથી ભરપૂર ગઝલ
    કવિશ્રી ભરત વિંઝુડાને અઅભિનંદન સાથે શુભેચ્છાઓ!
    સુધીર પટેલ.

RSS feed for comments on this post · TrackBack URI

Leave a Comment