ઝાહિદ, મને રહેવા દે તબાહીભર્યા ઘરમાં,
મસ્જિદથી વધારે અહીં આવે છે ખુદા યાદ.
મરીઝ

સૃષ્ટિ છે એક કોયડો – રમેશ પારેખ

સૃષ્ટિ છે એક કોયડો ને અણઉકેલ છે
જાણ્યું તો જાણ્યું એ કે તે દુર્ભેદ્ય જેલ છે.

છે પગ તળે પથ્થર તરફ લઇ જાતા માર્ગ, ને
લોકો ખુદાના નકશા લઇ નીકળેલ છે.

ઉઘરાવી ઝેર, વ્હેંચે છે ખૈરાતમાં અમી
– એવું અમે તો સંત વિષે સાંભળેલ છે.

ચહેરો વીંછળતી જેના વડે મારી જિંદગી
એ જળને મૂળસોતાં સૂરજ પી ગયેલ છે.

જે કહેતું’તું – કરીશ તારા જીવમાં મુકામ
એ પંખી એનો વાયદો ભૂલી ગયેલ છે.

પહોંચ્યા છે તરસ્યા પ્રાણ સરોવર સુધી, રમેશ
કોને કહું કે એ બધું જળ ચીતરેલ છે !

                                                                                            – રમેશ પારેખ

 

આમ તો બધા શેર અલગ અલગ રીતે ચોટદાર છે, પરંતુ ત્રીજો શેર ખાસ માર્મિક છે –  ‘ એવું અમે તો સંત વિષે સાંભળેલ છે. ‘ –   અર્થાત, અમને ચોક્કસ જાતમાહિતી નથી, માત્ર આવી વાત સાંભળી છે….

6 Comments »

  1. nehal said,

    April 7, 2015 @ 12:40 AM

    Waah. .Adbhut..

  2. ketan yajnik said,

    April 7, 2015 @ 9:07 AM

    લયસ્તરો : સૃષ્ટિ છે એક કોયડો

    રહેવાનું છે લય માં ને ને સાચવવાનું છે સ્તર ને

    આ ભાર રમેશભાઈ, ધવલભાઈ,વિવેકભાઈ અને સમસ્ત લયસ્તરો કુટુંબીજનોનો

  3. yogesh shukla said,

    April 7, 2015 @ 11:15 AM

    વાહ ,
    કોને કહું કે એ બધું જળ ચીતરેલ છે !

  4. vimala said,

    April 7, 2015 @ 4:18 PM

    ચહેરો વીંછળતી જેના વડે મારી જિંદગી
    એ જળને મૂળસોતાં સૂરજ પી ગયેલ છે.

    પહોંચ્યા છે તરસ્યા પ્રાણ સરોવર સુધી, રમેશ
    કોને કહું કે એ બધું જળ ચીતરેલ છે !
    અદ્દ્ભુત, અદ્દ્ભુત,
    જેવુ અદ્દ્ભુત છ અક્ષરનું નામ ઍવા અદ્દ્ભુત શેર.

  5. Harshad said,

    April 7, 2015 @ 9:08 PM

    Very Good. Like it.

  6. ravindra Sankalia said,

    April 8, 2015 @ 8:26 AM

    ચહેરો વિછળતી મારી જિન્દગી એ શેર ઘણો ગમ્યો.

RSS feed for comments on this post · TrackBack URI

Leave a Comment