એક ક્ષણ આપી ગઈ વનવાસ સદીઓનો ખલીલ !
એક ક્ષણ માટે જ મંથરા આપણી વચ્ચે હતી!
ખલીલ ધનતેજવી

ગઝલ – ભરત વિંઝુડા

ખાલીપામાં ખાલીપો પૂરાય છે
આપણે મળીએ તો એવું થાય છે !

આ ક્ષણે થોડું ઘણું સમજાય છે
જાય તે શું કામ અહીંથી જાય છે ?

ચીજ વસ્તુઓ ઘણી ખોવાય છે
ને ફકત તારા સ્મરણ સચવાય છે !

જાઉં તો એ ત્યાં જ પોતાના સ્થળે
છે અને અહીંયાથી ન નીકળાય છે !

તારી પાસે આવી ઊભો રહું અને
ઘર ગઝલનું ત્યાથી બસ દેખાય છે !

– ભરત વિંઝુડા

બધા જ શેર સરસ પણ રહી પડવાનું મન થઈ આવે એવું ગઝલનું ઘર જરા વધુ ગમી ગયું.

6 Comments »

  1. “ગઝલનું ઘર” | Girishparikh's Blog said,

    September 19, 2015 @ 1:17 am

    […] ભરત વિઝુડાની ગઝલ પોસ્ટ કરી છેઃ http://layastaro.com/?p=12639 છેલ્લો શેર છેઃ “તારી પાસે આવી ઊભો […]

  2. nehal said,

    September 19, 2015 @ 8:45 am

    Waah saras..

  3. MAheshchandra Naik (Canada) said,

    September 20, 2015 @ 2:05 am

    સરસ ગઝલ અને બધા જ શેર મનભાવન આપનો આભાર……કવિશ્રીને અભિનંદન……

  4. Rina said,

    September 20, 2015 @ 8:55 pm

    waaahhh

  5. yogesh shukla said,

    September 20, 2015 @ 10:52 pm

    વાહ કવિ શ્રી વાહ ,….
    તારી પાસે આવી ઊભો રહું અને
    ઘર ગઝલનું ત્યાથી બસ દેખાય છે !

  6. Poonam said,

    September 21, 2015 @ 5:59 am

    ચીજ વસ્તુઓ ઘણી ખોવાય છે
    ને ફકત તારા સ્મરણ સચવાય છે !
    – ભરત વિંઝુડા…

RSS feed for comments on this post · TrackBack URI

Leave a Comment