બની ગયો છું વૃક્ષ – હરદ્વાર ગોસ્વામી
આજ સવારે સાવ અચાનક બની ગયો છું વૃક્ષ !
કેટકેટલી કૂંપળ ફૂટી
આવ્યાં અઢળક ફૂલ
મારી ડાળે બાંધી હીંચકો
મારામાં તું ઝૂલ.
પથ્થર મારે એને પણ બસ ફળ દેવાનું લક્ષ.
આજ સવારે સાવ અચાનક બની ગયો છું વૃક્ષ !
પોતાનો જો હાથો બનશે
તો જ થવાનો નાશ.
એના છાયામાં પીધેલી
અમૃત થાતી છાશ.
મ્હેક સજેલી દુનિયાનો હું બની ગયો છું દક્ષ.
આજ સવારે સાવ અચાનક બની ગયો છું વૃક્ષ !
– હરદ્વાર ગોસ્વામી
મજાનું કલ્પન. મજાનું ગીત. બીજા અંતરો પણ પહેલા અંતરા જેવો જ બળવત્તર થયો હોત તો વધુ મજા આવત.
KETAN YAJNIK said,
September 3, 2015 @ 6:29 AM
વિસામો
કોનો ? કોને?
CHENAM SHUKLA said,
September 3, 2015 @ 8:12 AM
સરસ કલ્પન નાનું મઝાનું ગીત ..વાહ
Harshad said,
September 6, 2015 @ 11:00 PM
Very Nice. Really like it and enjoyed.