મિલન-પળ અધૂરી કદી આવજો ના,
કશી બેસબૂરી કદી આવજો ના.
અમર્યાદ દૂરી કે બેહદ નિકટતા,
કશું બિનજરૂરી કદી આવજો ના.
પંચમ શુક્લ

ગઝલ- નેહા પુરોહિત

વાંક તારો નથી, ન મારો છે,
એ જ સધિયારો છે, ને સારો છે.

સ્વપ્નમાં, શ્વાસમાં, વિચારોમાં,
પ્રિયનો કેટલો પથારો છે !

જે દીવાલો મેં તોડવા ચાહી,
આજ એનો જ બસ સહારો છે.

કેમ આજે બહુ સતાવે મને ?
મેં હજી ક્યાં કહ્યું, “તું મારો છે !”

ભીતરે વ્યસ્તતા વધી ત્યારે,
અર્થ છોડો, મરમનો મારો છે.

– નેહા પુરોહિત

આ ગઝલ વાંચો અને પાકિસ્તાનથી પરવીન શાકિર ગુજરાતમાં આવી ઊતરી હોય એવું ન લાગે તો કહેજો…

આ ગઝલમાં છે એવા ઉત્તમ મત્લા આપણે ત્યાં બહુ જોવા મળતા નથી. સરળમાં સરલ કાફિયા, સરળમાં સરળ છંદ, સરળમાં સરળ શબ્દો વાપરીને બે જ પંક્તિમાં ચાર કાફિયાના ઇન્ગ્રેડિયન્ટ્સ વાપરીને કવયિત્રી જે વાનગી આપણને પીરસે છે એનો સ્વાદ શબ્દાતીત છે…

11 Comments »

  1. nalin said,

    May 30, 2015 @ 12:37 AM

    Nice heart touching gazal.

  2. yogesh shukla said,

    May 30, 2015 @ 12:38 AM

    કેમ આજે બહુ સતાવે મને ?
    મેં હજી ક્યાં કહ્યું, “તું મારો છે !”

    સરસ મઝાની ગઝલ

  3. Suresh Shah said,

    May 30, 2015 @ 12:57 AM

    કેમ આજે બહુ સતાવે મને ? મેં હજી ક્યાં કહ્યું, “તું મારો છે !”

    હજી તો કહું નથી, તો ય ”સતાવે છે” – એ કબૂલાતા નથી?

    ગમ્યું. આભાર.

  4. ketan yajnik said,

    May 30, 2015 @ 3:41 AM

    વાંક નથી તારો કે નથી મારો એ જ સધિયારો છે અને એ કબુલાતનામાં બધું આવી જાય છે પછી તો બાકીનુ બધું ગૌણ છે
    નસીબદાર એ છે કે કબીલાત છે અને એ જ સધિયારો છે

  5. rajulbhanushali said,

    May 30, 2015 @ 4:15 AM

    Adbhoot gazal.. Vagdevi saxat aavine aashish aapi jay tyare aavu kashu rachatu hoy chhe.. Abhinandan Neha..

  6. Harshad said,

    May 30, 2015 @ 9:19 AM

    Awesome

  7. Sandhya Bhatt said,

    May 30, 2015 @ 1:18 PM

    સાવ સાચુ…અદભુત શેર થયા છે….

  8. rekha said,

    May 30, 2015 @ 11:09 PM

    બહુ સરસ નેહા

  9. suresh baxi said,

    May 31, 2015 @ 6:27 PM

    કાફિયા નો ઉપયોગ ખુબ સરસ થયો.

  10. Girish Parikh said,

    May 31, 2015 @ 6:44 PM

    Posted on http://www.GirishParikh.wordpress.com also.
    આ ગઝલનો “સ્વાદ શબ્દાતીત” છે !
    ગઝલ છે નેહા પુરોહિતની. લીંકઃ

    ગઝલ- નેહા પુરોહિત


    વિવેક મનહર ટેલરે આ ગઝલ પોસ્ટ કરી છે. ગઝલના એમના આસ્વાદનો સ્વાદ પણ શબ્દાતીત છે !
    આખી ગઝ્લ ગમી — આ શેર વિશેષ ગમ્યોઃ
    સ્વપ્નમાં, શ્વાસમાં, વિચારોમાં,
    પ્રિયનો કેટલો પથારો છે !
    આપને સૌથી પ્રિય શું છે? સ્વપ્નાવસ્થામાં, જાગૃતાવસ્થામાં, અને વિચારાવસ્થામાં આપના પ્રિય પથરાયેલા જ હશે.
    આ લખનારને પણ એક યોજના અતિ પ્રિય છે –પ્રભુકૃપાથી એના વિશે ભવિષ્યમાં લખવા પ્રયત્ન કરીશ.

    હાલ તો એટલું લખીશ કે એ યોજનાનો મારા “સ્વપ્નમાં, શ્વાસમાં, વિચારોમાં … પથારો છે !”

  11. preetam Lakhlani said,

    June 2, 2015 @ 5:27 PM

    આ ગઝલ વાંચો અને પાકિસ્તાનથી પરવીન શાકિર ગુજરાતમાં આવી ઊતરી હોય એવું ન લાગે તો કહેજો…?ડૉ. વિવેકભાઈ, ક્યાં રાજા ભોજ અને ક્યાં ગાગુ તેલી!

RSS feed for comments on this post · TrackBack URI

Leave a Comment