તેં કરેલા સૌ ખુલાસાઓની આગળ માત્ર મેં તો,
શેર આ સામો ધર્યો છે, ક્યાં ગઝલ પૂરી કહી છે ?
અંકિત ત્રિવેદી

જરૂરી છે ? – કિરણસિંહ ચૌહાણ

નકામી મૂંઝવણ માથા ઉપર લેવી જરૂરી છે ?
તું સમજે છે બધી વાતો, પછી કહેવી જરૂરી છે ?

મળ્યા, વાતો કરી થોડી, ગમ્યું બંનેનાં હૈયાંને,
હવે એના ઉપર ગઝલો લખી દેવી જરૂરી છે ?

અહીં પણ હાલ તારાથી અલગ ક્યાં છે ? છતાં ખુશ છું.
અહીં પણ છે વ્યથા તો બહુ… બધી સહેવી જરૂરી છે ?

નહીં તો જિંદગીની વારતા આગળ નહીં વધશે,
કરો હાજર, સમસ્યા જેવી હો એવી જરૂરી છે.

નહીં તો શુષ્કતા મળશે, તિરાડો વહોરવી પડશે,
ઉદાસી ભેજ થઈને આંખમાં રહેવી જરૂરી છે.

– કિરણસિંહ ચૌહાણ

વાત-ચીત ચાલતી હોય એ જ અંદાજમાં કવિ સહજતાપૂર્વક મજાની ગઝલ લઈ આવ્યા છે. કવિનો અંદાજ-એ-બયાઁ રોજમરોજની ગૂફ્તેગુને કવિતાની ઊંચાઈ પર લઈ જાય છે.

8 Comments »

  1. Dr. Manish V. Pandya said,

    November 29, 2014 @ 2:26 am

    મારી, તમારી વેદના-સંવેદના આલેખી શબ્દોમાં,
    ગઝલ ઘણી વાંચવી ગમી તે લખવું જરુરી છે?

  2. suresh baxi said,

    November 29, 2014 @ 8:33 am

    ખુબ સરસ રચના.સમ્સ્યા ને આમ્ંત્રણ તો કવિ જ આપેી શકે

  3. હેમંત પુણેકર said,

    November 29, 2014 @ 9:45 am

    સુંદર ગઝલ… મક્તો તો અતિસુંદર….વાહ મજા પડી ગઈ કિરણભાઈ!

  4. ધવલ said,

    November 29, 2014 @ 9:52 am

    મળ્યા, વાતો કરી થોડી, ગમ્યું બંનેનાં હૈયાંને,
    હવે એના ઉપર ગઝલો લખી દેવી જરૂરી છે ?

    – સરસ !

  5. yogesh shukla said,

    November 29, 2014 @ 11:01 pm

    સુંદર રચના ,

    અહીં પણ હાલ તારાથી અલગ ક્યાં છે ? છતાં ખુશ છું.
    અહીં પણ છે વ્યથા તો બહુ… બધી સહેવી જરૂરી છે ?

  6. Jayshree said,

    November 30, 2014 @ 2:28 am

    પ્રશ્ર્નાર્થ વાળા પહેલા ૩ શેરમાં વધુ મઝા આવી..

  7. SHAIKH Fahmida said,

    December 4, 2014 @ 2:30 am

    Amazing

  8. RAKESH said,

    December 4, 2014 @ 8:13 am

    સરસ !

RSS feed for comments on this post · TrackBack URI

Leave a Comment