પૂનમ રાતે સામે સામી ડાળ ઉપરથી મંડાતા કંઈ-
ટહુકાના સરવાળા નીરખી અમથો અમથો ખુશ થાઉં છું
મનોજ ખંડેરિયા

ગઝલ – મેહુલ પટેલ ‘ઈશ’

તારા વિચારથી ન અહીં મારા વિચારથી
સૃષ્ટિનું ચક્ર ચાલે છે સારા વિચારથી

કોઈ ફૂલ એમાં ખીલશે, સુગંધ આપશે –
ચારે તરફ મેં મૂક્યા છે ક્યારા વિચારથી

મીઠાં પરિણામો મળે મીઠા વિચારના
ખારા રિઝલ્ટ આવશે ખારા વિચારથી

નાહકની વાહ-વાહી લૂંટી રહ્યો છું હું –
ઉંચક્યા છે મેં વિચારો તારા વિચારથી

– મેહુલ પટેલ ‘ઈશ’

કવિનું નામ ન લખ્યું હોય તો મરીઝની ગઝલમાંથી પસાર થયાની અનુભૂતિ થાય એવી સરળ ભાષા અને એવા જ ચોટદાર શેર. પણ ક્યારાવાળો શેર વાંચીએ ત્યારે સહજ વિચાર આવે કે કવિએ કેટલા વિચારપૂર્વક વિચારથી રદીફ ગોઠવી છે !

9 Comments »

  1. Shaikh Fahmida said,

    April 3, 2015 @ 3:19 am

    Khoob saras.

  2. Rajnikant Vyas said,

    April 3, 2015 @ 3:36 am

    બહુ સુંદર ગઝલ.

  3. સુનીલ શાહ said,

    April 3, 2015 @ 3:38 am

    સરળ બાનીમાં ખૂબસુરત ગઝલ

  4. Manish V. Pandya said,

    April 3, 2015 @ 4:13 am

    સુંદર રચના.

  5. mehul patel said,

    April 3, 2015 @ 7:57 am

    આભાર વિવેક સાહેબ ઇસ્લાહ અને રજુ કરવા માતે.

  6. વિવેક said,

    April 3, 2015 @ 9:39 am

    @ મેહુલ:
    આભાર એ કવિનો જેણે મજાની રચના રચી…

    અને સાહેબ ? આ વળી કઈ બલા છે, જનાબ ? મહેરબાની કરો, દોસ્ત…
    🙂

  7. ધવલ said,

    April 3, 2015 @ 2:39 pm

    તારા વિચારથી ન અહીં મારા વિચારથી
    સૃષ્ટિનું ચક્ર ચાલે છે સારા વિચારથી

    – સરસ !

  8. yogesh shukla said,

    April 3, 2015 @ 6:45 pm

    નાહકની વાહ-વાહી લૂંટી રહ્યો છું હું –
    ઉંચક્યા છે મેં વિચારો તારા વિચારથી

    બહુ સુંદર ગઝલ.

  9. sudhir patel said,

    April 7, 2015 @ 7:34 pm

    જોરદાર અને દમદાર ગઝલ!
    કવિશ્રીને અભિનંદન!!
    સુધીર પટેલ.

RSS feed for comments on this post · TrackBack URI

Leave a Comment