પરમ તૃપ્તિ, પરમ સંતોષ, તારા કામની વસ્તુ,
હું શાયર છું, તું મારા માટે થોડી પ્યાસ રહેવા દે.
– હિતેન આનંદપરા

નિર્વ્યાજસ્તુતિ – પંચમ શુક્લ

IMG_9422

તમે સનાતન લીલા ભગવન્ …
અમે વિનાશી ટીલાં ભગવન્ …

તમે કપિ સુગ્રીવના સ્નેહી,
અમે અબુધ ગોરીલા ભગવન્ …

તમે સહસ્રાક્ષોની દૃષ્ટિ,
અમે ગૌતમીશીલા ભગવન્ …

તમે નેતરાં મંદરાચળના,
અમે ધૂંસરાં ઢીલાં ભગવન્ …

તમે અગોચર પવનપાવડી,
અમે રગશિયા ચીલા ભગવન્ …

તમે અહર્નિશ જલઅંબુજવત્ …
અમે હમેશા गीला ભગવન્ …

– પંચમ શુક્લ

જીવ અને શીવઃ આ વિષય પર ઘણા કાવ્યો છે. પણ આ કાવ્યની અલગ મજા છે. કલ્પનોની નવીનતા અને શબ્દોની પસંદગી તો દાદ માંગી લે તેવી છે જ. એ ઉપરાંત, આટલા ગહન-ગંભીર વિષયના કાવ્યમાં પણ સૂક્ષ્મ વિનોદ વણી લીધો છે એ અલગ.

12 Comments »

  1. વિવેક said,

    September 9, 2014 @ 2:10 AM

    સુંદર રચના…

  2. Pravin V. Patel (USA) said,

    September 9, 2014 @ 5:11 AM

    અવિનાશી સાથે તુલનાની શબ્દ પસંદગી, અવશ્ય દાદ માગે છે.
    શિરમોર સુંદરતા…………………………………આભાર…….

  3. Chandresh Thakore said,

    September 9, 2014 @ 3:23 PM

    રચના ઘણી ગમી. સવિશેષ તોઃ તમે અગોચર પવનપાવડી, અમે રગશિયા ચીલા ભગવન્ …
    આ રચના વાંચીને રાવજી પટેલનું ગીત યાદ આવી ગયુંઃ
    તમે રે તિલક રાજા રામના,
    અમે વગડાનાં ચંદન કાષ્ઠ રે,
    તમારી મશે ના અમે સોહિયાં –

  4. રાકેશ ઠક્કર said,

    September 10, 2014 @ 3:24 AM

    સુંદર રચના !
    તમે સનાતન લીલા ભગવન્ …
    અમે વિનાશી ટીલાં ભગવન્ …

  5. lata j hirani said,

    September 10, 2014 @ 5:33 AM

    પંચમભાઇની કવિતા એટલે કંઇક અનોખું… અકલ્પનીય…

  6. yogesh shukla said,

    September 10, 2014 @ 1:44 PM

    વાહ ,,, વાહ ,,,,, વાહ ,,,,,
    તમે સનાતન લીલા ભગવન્ …
    અમે વિનાશી ટીલાં ભગવન્ …

  7. kishoremodi said,

    September 10, 2014 @ 6:14 PM

    મને પંચમભાઈની આ સુંદર ગઝલ વાંચી કે તરત સ્વ. પ્રિયકાંત મણિયારનું પ્રસિધ્ધ ગીત રાધા-કાનજીવાળું ગીત યાદ આવી ગયું
    પંચમભાઈને મારા દિલી અભિનંદન.

  8. Naresh solanki said,

    September 11, 2014 @ 1:11 PM

    અમે ધૂંસરાં ઢીલાં ભગવન્ … વાહ બહોત ખુબ

  9. Pravin Shah said,

    September 12, 2014 @ 11:48 PM

    Panchambhai gives something different in his poetry.
    Congrate !

  10. પંચમ શુક્લ said,

    September 13, 2014 @ 6:19 PM

    લયસ્તરો, મિત્રો અને વાચકોનો આભાર.

  11. Harshad said,

    September 13, 2014 @ 9:57 PM

    ખૂબજ સુન્દર!!!!

  12. Sudhir Patel said,

    September 15, 2014 @ 2:52 PM

    ખૂબ સુંદર ગઝલ ફરી અહીં માણવી ગમી!
    સુધીર પટેલ.

RSS feed for comments on this post · TrackBack URI

Leave a Comment