હર સમસ્યાઓના મૂળમાં હોય છે,
આપણી ઈચ્છાનાં માયાવી હરણ.
ઉર્વીશ વસાવડા

ગઝલ – હિમલ પંડ્યા

એક જ ટીપામાં હો જાણે સાત સમંદર,
એવાં ઝંઝાવાત હજુ હૈયાની અંદર.

હોય હરણને મૃગજળથી બે હાથનું છેટું,
તારી ને મારી વચ્ચે બસ આટલું અંતર.

જેવો હું , એવો તું યે નક્કી હોવાનો,
ભેદ ભલે હો બહાર, બધું સરખું છે ભીતર.

આ અંધારા-અજવાળાની સતત ઊતરચડ,
કોણ યુગોથી ખેલે આવાં જાદુમંતર ?

જુઓ, કિનારે હાથ કોઈ ફેલાવી ઊભું,
ચાલો અહીંયા અટકી જઈએ, નાખો લંગર.

– હિમલ પંડ્યા

મજાની ગઝલ… એક-એક શેર પાણીદાર…

આ ગઝલ આપ ગુજરાતી કાવ્ય-સંગીતની શિરમોર વેબસાઇટ ટહુકો.કોમ પર માણી શક્શો.

 

4 Comments »

  1. Ashok Vavadiya said,

    March 27, 2015 @ 3:19 AM

    સુંદર રચના..

  2. હેમંત પુણેકર said,

    March 27, 2015 @ 1:18 PM

    સરસ રચના!

  3. lalit trivedi said,

    March 27, 2015 @ 2:50 PM

    સરસ ગઝલ ….અભિનન્દન્..

  4. Harshad said,

    March 27, 2015 @ 10:25 PM

    Sunder gazal. Gami.

RSS feed for comments on this post · TrackBack URI

Leave a Comment