મુક્તક – કિરણસિંહ ચૌહાણ
કૈંક મજાના ગીતોમાં છું, ટહુકામાં છું,
બીજા શબ્દોમાં કહું તો બસ જલસામાં છું.
ક્યારેક ઈશ્વર ફોન કરી પૂછે, ‘ક્યાં પહોંચ્યા?’
હું કહું છું કે, ‘આવું છું… બસ રસ્તામાં છું.’
– કિરણસિંહ ચૌહાણ
ખરી વાત છેઃ આપણે બધાય ખરેખર (ઉપર જવાના) રસ્તામાં જ છીએ ઃ-)
Indrajit Khona said,
September 3, 2014 @ 3:31 AM
હોસ્પિટલના ખાટલા પરથી આપેલો અેકદમ સચોટ જવાબ .
ABDUL GHAFFAR KODVAVI said,
September 3, 2014 @ 3:41 AM
સરસ રચના , થોડોક સુધારો જરૂરી એટલામાટે કે
વાત થઈ રહી છે અલ્લાહ અને તેના બંદા ની
દરેક ની માન્યતા છે કે આપણે રસ્તામાં છયે ,
સમય પૂરો થશે એટલે ,આ દુન્યા છોડવી પડશે
અને અલ્લાહ પાસે જઈ ને હિસાબ આપવું પડશે ,
અલ્લાહ ને ખબર છે કે આપણે ક્યાં છીએ ,પછી અલ્લાહ ને ફોન
કરીને પૂછવાની જરૂરત નથી ,(શું ઈશ્વર ને જરૂરત છે ?)
chandresh said,
September 3, 2014 @ 4:40 AM
સરસ રચના
yogesh shukla said,
September 3, 2014 @ 8:55 AM
(બીમારી )મૃત્યુની પથારીમાંથી જતા વ્યક્તિને જવાનો આનંદ પણ છે અને સૌને છેલ્લે મળી લેવાનો ઉમંગ પણ છે
કવિ શ્રી કિરણભાઈ , તમારી કવિતા અમને પ્રિય છે માટે તમો અમને પ્રિય છો
perpoto said,
September 3, 2014 @ 9:58 AM
આ માન્યતા ક્યાંથી આવી હશે ,કે મરવાવાળો ઉપર જાય છે….
ધવલ said,
September 3, 2014 @ 8:57 PM
@perpoto : ઉપર જવાના કે નહીં એ નથી ખબર… પણ અહીંથી જવાના એ ચોક્કસ !! ઃ-)
nehal said,
September 4, 2014 @ 4:19 AM
મને આ કાવ્યનો ધ્વની બહુ જ ગમી ગયો .જવાનું છે એ તો જાણ છે જ પણ કવિ તો જલસામાં છે ઈશ્વર પાસે જવાની વાત જાણે મિત્ર ને મળવા જવાનું હોય એવી સહજતાથી લખી છે એ જ આ કાવ્ય ની મઝા છે.
ધવલ said,
September 4, 2014 @ 10:27 AM
@નેહલઃ બહુ સરસ વાત કરી !
Harshad said,
September 4, 2014 @ 8:30 PM
Really very nice!!!!
PUSHPAKANT TALATI said,
September 6, 2014 @ 4:17 AM
શાબાશ – કવિ ને શાબાશ. – આ રચનાને વધુ ઊન્ડાણ થી સમજવા માટે થોડાક માઈલ-સ્ટોન જેવા બિઁદુઓ હું આ પ્રમાણે જણાવું છું
(૧) કવિ કહેછે કે ‘આવું છું… બસ રસ્તામાં છું.’ {તે જાણે છે કે જવાનું નક્કિ જ છે અને તેની પોતાની તૈયારી પણ છે – તે જઈ રહ્યો જ છે અને રસ્તામાં છે}
(૨) શરુઆત ના જ શબ્દો તો જુઓ – “કૈંક મજાના ગીતોમાં છું, ટહુકામાં છું, બીજા શબ્દોમાં કહું તો બસ જલસામાં છું.”- {ઉપર નં.૧ મુજબની સંપુર્ણ જાણકારી પછી પણ શરુઆતની પંક્તિઓ હોઠો પર આવે તે શું કવિની જીન્દાદિલી નથી ? }
(૩) ઈશ્વર ફોન કરીને પૂછે છે – એટલે કે ઉપરવાળા ને પણ તેના લાલની-દીકરાની-બન્દાની ચિન્તા છે અને તે તેના પર સતત પોતાની મીઠી નજર/દ્રષ્ટી રાખતો જ હોય છે અથવા કહો કે તેને ખબર છે કે તમો હજુ તમારી મન્જીલે પહોચ્યા નથી.
ઘણી જ સરસ અને આત્માને ઝન્ઝોડતી રચના- સમજણ તમારી પોતાની કેપેસીટી પર અવલંબે છે. – આભાર
– પુષ્પકાન્ત તલાટી
ધવલ said,
September 6, 2014 @ 12:47 PM
@પુષ્પકાંતભાઇઃ મઝાની વાત કરી. અને સરસ રીતે સમજાવીને કરી !!