કિનારા આંબવા દોડી,
આ મારા શ્વાસની હોડી.
બધી મંઝિલ છે ફોગટ, જો
મળે મઝધારને છોડી.
વિવેક મનહર ટેલર

ખારવણ ગીત – રમણીક સોમેશ્વર

ખારવણ હીબકાં ભરે છે ને
.              દરિયાની છાતી મૂંઝાય છે

તૂટેલી હોડીને પૂછે છે ખારવણ
.             પોતાના દરિયાની વાત
ઝીલે છે હલ્લેસાં છાતીમાં
.             વીખરાતી મેલીને પોતાની જાત
સબ્બાક ! દરિયાને કંઈનું કંઈ થાય છે
ખારવણ હીબકાં ભરે છે ને
.             દરિયાની છાતી મૂંઝાય છે

દરિયામાં ઓગળેલ દરિયાને ફંફોસે
.             ખંખોળી સાતે પાતાળ
આંખોમાં આંખ પરોવીને ખારવણ
.             દરિયાને પૂછે છે ભાળ
અરે, અરે, દરિયાઓ સુકાતા જાય છે
ખારવણ હીબકાં ભરે છે ને
.             દરિયાની છાતી મૂંઝાય છે

– રમણીક સોમેશ્વર

દરિયામાં ડૂબી ગયેલા ખારવાના ખબર ખારવણ પૂછે ત્યારે બિચારા દરિયાની પીઠ પર કોઈ સબ્બાક કરીને ચાબખો ન મારતું હોય એવી વેદના જન્મે છે.

7 Comments »

  1. નેહા પુરોહિત said,

    October 3, 2014 @ 2:50 AM

    ખારવણનો દરિયો ….. !
    ખૂબ જ ગમ્યું આ ગીત .
    આભાર લયસ્તરો .

  2. Rina said,

    October 3, 2014 @ 3:55 AM

    Ahaaaa….

  3. Harshad said,

    October 3, 2014 @ 7:08 PM

    Beautiful. Like it.

  4. M.D.Gandhi, U.S.A. said,

    October 3, 2014 @ 8:41 PM

    સુંદર ગીત છે.

  5. Maheshchandra Naik ( Canada) said,

    October 4, 2014 @ 5:11 PM

    સરસ ગીત……………..

  6. nehal said,

    October 6, 2014 @ 1:21 PM

    ખારવણ હીબકાં ભરે છે ને
    . દરિયાની છાતી મૂંઝાય છે

    તૂટેલી હોડીને પૂછે છે ખારવણ
    . પોતાના દરિયાની વાત
    ઝીલે છે હલ્લેસાં છાતીમાં
    . વીખરાતી મેલીને પોતાની જાત
    These four lines are so powerful …..haiya sonsaravu utare tevu kavya. …

  7. Suresh Shah said,

    September 17, 2015 @ 5:45 AM

    વેદનાનું ગીત ….

RSS feed for comments on this post · TrackBack URI

Leave a Comment