ક્યાંથી હવાય પામી શકે પાર શબ્દનો
પ્હોળો છે આભ જેટલો વિસ્તાર શબ્દનો

વર્ષોથી હૈયું ઝંખતું અજવાળું મૌનનું
ઘેરી વળ્યો છે આંખને અંધાર શબ્દનો
મનોજ ખંડેરિયા

ગઝલ – હેમંત ગોહિલ ‘મર્મર’

વાત કેવળ ઝાડવું ઉજેરવાની છે,
હા, પછી તો ડાળ ટૌકા વેરવાની છે.

લાવ, ઇસ્ત્રી ફેરવી દઉં દેશભક્તિને,
ફક્ત પ્રસંગ પૂરતી એ પ્હેરવાની છે !

તાર તો ઔરંગઝેબી જીવ છે પાક્કો,
જે કલા છે એ તો કેવળ ટેરવાની છે.

સાબદા સૌ થાવ સપનાં વીણવા માટે,
રાત એની પાંખને ખંખેરવાની છે.

સ્હેજ અડક્યાનો થયો આરોપ, તેથી તો –
ફૂલની સુગંધ વાને ઘેરવાની છે.

પોતપોતાના ઘરોમાં બંધ રે’જો સૌ,
એક ઇચ્છા શ્વાસને ઉશ્કેરવાની છે.

– હેમંત ગોહિલ ‘મર્મર’

એક-એક શેર ટકોરાબંધ. कर्मण्येवाधिकारस्तेની વાત કવિએ કેવી સરસ રીતે મત્લાના શેરમાં ઝાડ અને ટહુકાના પરિપ્રેક્ષ્યમાં કહી છે ! બધા જ શેર સુંદર છે પણ મને ફૂલની સુગંધ હવાનો ઘેરાવ કરવાની છે એ વાત સવિશેષ ગમી ગઈ….

16 Comments »

  1. Vikas Kaila said,

    July 18, 2014 @ 2:22 am

    ક્યા બાત

  2. nehal said,

    July 18, 2014 @ 3:57 am

    Waah …sunder..

  3. Vaidya Parth said,

    July 18, 2014 @ 6:00 am

    હૃદયસ્પર્શી

  4. Shah Pravinchandra Kasturchand said,

    July 18, 2014 @ 6:45 am

    પહેરાવી દ્યો શબ્દોનો પહેરવેશ કવિતાદેવીને;
    અર્થની સુગંધ હવામાં સ્વયમ્ લહેરાવાની છે.

  5. Rakesh Thakkar, Vapi said,

    July 18, 2014 @ 8:00 am

    વાહ… વાહ….. વાહ….. વાહ…..વાહ…..વાહ…..

  6. ધવલ said,

    July 18, 2014 @ 9:17 am

    લાવ, ઇસ્ત્રી ફેરવી દઉં દેશભક્તિને,
    ફક્ત પ્રસંગ પૂરતી એ પ્હેરવાની છે !

    – બહુ સરસ !

  7. perpoto said,

    July 18, 2014 @ 9:26 am

    સ્હેજ અડક્યાનો થયો આરોપ, તેથી તો –
    ફૂલની સુગંધ વાને ઘેરવાની છે.
    વાહ..

    શત્રુ વા મિત્ર
    કોણ કોને ઘેરશે
    શસ્ત્રો શ્વાસના

  8. હેમંત ગોહિલ 'મર્મર ' said,

    July 18, 2014 @ 10:27 am

    આભાર ,સૌ મિત્રોનો ..

  9. Smita Sĺhah said,

    July 18, 2014 @ 1:22 pm

    Waaah .beautiful l

  10. Shah Pravinchandra Kasturchand said,

    July 18, 2014 @ 3:02 pm

    ચોક્ખેચોખ્ખુ લખવાનું ભૂલી ગયો’તો.
    એટલે હવે એ ભૂલ સુધારી લઉં છું.

    “વાહ… વાહ….. વાહ….. વાહ…..વાહ…..વાહ…..”

    .

  11. Sudhir Patel said,

    July 19, 2014 @ 12:31 am

    બધા જ સુંદર શે’ર સાથેની મસ્ત ગઝલ!
    સુધીર પટેલ.

  12. ડૉ.મહેશ રાવલ said,

    July 19, 2014 @ 1:09 am

    માર્મિક ગઝલ…કે સરસ અભિવ્યક્તિ…. જેવો પ્રતિભાવ ટૂંકો પડે, એવી જાનદાર ગઝલ.
    હેમંતભાઇની આ અને બીજી અનેક ગઝલોમાં મેં એક અલગ પ્રકારની બારિકીઓ અનુભવી છે જે એમની અલગ ઓળખ ઊભી કરે છે – અભિનંદન કવિ…

  13. Yogesh Shukla said,

    July 19, 2014 @ 1:12 pm

    લાવ, ઇસ્ત્રી ફેરવી દઉં દેશભક્તિને,
    ફક્ત પ્રસંગ પૂરતી એ પ્હેરવાની છે !

    નાગરિકો માટે દેશભક્તિ નો સુંદર સંદેશો

  14. Maheshchandra Naik (Canada) said,

    July 20, 2014 @ 4:37 pm

    બધા જ શેર લાજવાબ,નખશીખ સરસ ગઝલ…………………..

  15. હેમંત ગોહિલ 'મર્મર ' said,

    July 26, 2014 @ 11:42 am

    આભાર ,મિત્રો

  16. Harshad said,

    August 6, 2014 @ 8:38 pm

    ભાઈ વાહ કેવુ પડૅ !! સુન્દર!

RSS feed for comments on this post · TrackBack URI

Leave a Comment