જુદા જુદા ધરમ મળે જુદા ખયાલ મળે,
નવાઈ છે કે સૌનું લોહી તો ય લાલ મળે.
રાજેશ વ્યાસ 'મિસ્કીન'

તું હૃદયમાં ધબધબે પ્રત્યેક પળ… – રિષભ મહેતા

તું હૃદયમાં ધબધબે પ્રત્યેક પળ…

એક સચ્ચાઈ છે જેને હું સહી શકતો નથી,
ખૂબ સીધી વાત છે પણ હું કહી શકતો નથી;
ને એમ પણ હું ભોગવું છું મૌન રહેવાની સજા,
તો લે કહું, તારા વગર જા… હું રહી શક્તો નથી.

જો તું નથી તો કેમ તારી કલ્પના પણ છે?
હું અંધ છું આ દર્પણો શું કામના પણ છે!
ગૂંગળાવું ક્યાં લગી આ ખામોશીથી કંઇ તો બોલ…!
કે ‘હા’ નહીં તો આખરે જાણી લે ‘ના’ પણ છે.

પ્રેમ તારો હું નકારી ના શકું,
ને છતાંયે આવકારી ના શકું;
તું હૃદયમાં ધબધબે પ્રત્યેક પળ,
ને છતાંયે હું પુકારી ના શકું.

હું તને ક્યારેય ના ત્યાગી શકું,
ને ખુદા પાસેય ના માંગી શકું;
પાસ હું આવી નથી શકતો વધુ,
દૂર પણ તારાથી ના ભાગી શકું.

હું તને કારણ વગર બોલાવી પણ શકતો નથી,
કે કોઈ બહાના વગર હું આવી પણ શકતો નથી;
એક મજબૂરી છે જેનુ નામ શાયદ પ્રેમ છે,
ત્યાગી પણ શકતો નથી અપનાવી પણ શકતો નથી.

-રિષભ મહેતા

 

સહુકોઇએ અનુભવી હોય તેવી અભિવ્યક્તિ…..સરળ,સચોટ અને સુકોમળ…..

5 Comments »

  1. Rina said,

    March 31, 2014 @ 3:11 AM

    Awesome

  2. Laxmikant Thakkar said,

    March 31, 2014 @ 8:00 AM

    વાત તો જાણે સાચી જ ….”અનુભવી હોય તેવી અભિવ્યક્તિ…..સરળ,સચોટ અને સુકોમળ….. ” ,પણ, દિલતોડ આશિકીના દર્દ-વ્યથાના જખ્મો તો સહેવાજ પડે ! ક્રુતિમાં, લખનારના એક તત્કાલીન લાગણી-ભાવો નિરુપાયા ….

    જે ‘દિલ’ અને ‘દિમાગ’ ની સરહદ પર ઉભા રહી “બેલેંસિંગ” કરે [ સમતોલ રહેવા કોશીશ કરે ] અને પેલે પાર જમ્પલાવી ન શકે , તેને ચોક્કસ આવી “દ્વિધા” -ડાયલેમા રહેવાના ….. જે પોતાને ” દુનિયાદારીથી બંધાયેલા માને ,તેને પાંખો મલે તોય ઊડી ના શકે ! આમ વલખ્વાનું નામ જ “પ્રેમ” હશે કદાચ !!!-
    -લા’ કાંત / ૩૧.૩.૧૪

    બીજી સાઈડ …

  3. Hasit Hemani said,

    March 31, 2014 @ 6:33 PM

    પ્રેમની સાદી અને સરળ ભાષામાં સચોટ અભીવ્યક્તિ

  4. jAYANT SHAH said,

    April 3, 2014 @ 2:12 AM

    રોતા હોગા સાગર ભેી ,
    કિસેીકે ઇન્ત્ઝારમે ,
    વરના સાગરકા પાણી,
    ખારા ન હોતા .

    સુદર અભિ વ્યક્તિ !!!

  5. Shivani Shah said,

    February 24, 2018 @ 3:01 AM

    સચોટ અભિવ્યક્તિ – વાંચતા જાણે કવિના દિલોદિમાગમાં પ્રવેશીને વાચક પોતે જ આ પીડા અનુભવતો હોય એવો ભાસ થાય છે !

RSS feed for comments on this post · TrackBack URI

Leave a Comment