ગઝલ – ડૉ. મનોજ એલ. જોશી ‘મન’
તમે તર્કને ખૂબ તાણી શકો છો,
છતાં ક્યાં રહસ્યોને જાણી શકો છો ?
તમે દર્પણેથી જરા બહાર નીકળી,
કદી અન્યનું કંઈ વખાણી શકો છો ?
તમે રોજ ઊઠી કશે ન જવાને,
ખરા છો ! કે ઘોડો પલાણી શકો છો !
તમે ધ્યાન રાખો છો વહેતી પળોનું,
પળેપળને વહેતી શું માણી શકો છો ?
તમે સૌ પ્રથમ તો કરો ખુદને સાબિત,
પછી જે ગમે તે પ્રમાણી શકો છો.
– ડૉ. મનોજ એલ. જોશી ‘મન’
એક-એક શેર પર એક-એક યુગ જેટલી સાધના કરનાર ચંદ ગઝલકારોમાં મનોજ જોશી મોખરાના સ્થાને આવે છે. દર્પણવાળો શેર જરા જુઓ… કવિ કહે છે કે તમે દર્પણમાંથી બહાર આવતા જ નથી. અર્થાત્ તમે તમારી પોતાની જાત સિવાય બીજું કશું જોતાં જ નથી ને જોવા તૈયાર પણ નથી… ‘જરા’ બહાર નીકળીએ તો બીજાને જોઈ-વખાણી શકાય ને ? અને વહેતીપળોવાળો શેર તો ગુજરાતી ગઝલમાં અજરામર થવા સર્જાયો છે… વહી જતી જિંદગીનું ધ્યાન રાખવામાં ને રાખવામાં આપણે ક્યાંક જિંદગીને માણવાનું જ તો ચૂકી નથી જતા ને?
ગઝલના દરેક શેર ‘તમે’થી શરૂ થઈ ‘શકો છો’ પર પૂરા થાય ત્યારે એમ માનવાનું મન થાય કે આ ગઝલમાં માથે-પૂંછડે બબ્બે રદીફ છે.
B said,
March 8, 2014 @ 3:32 AM
The whole ghazal is very nice. Thanks.
dr.ketan karia said,
March 8, 2014 @ 3:40 AM
ડૉ.ફિરદૌસ દેખૈયાએ સંગીતબ્દ્ધ પણ ખૂબ જ ઉમદા કરી છે… મનોજભાઇ જામનગરના જ હોવાથી આવી અનેક ગઝલો સ્વપઠ્નમાં માણી શક્યાનો આનંદ
perpoto said,
March 8, 2014 @ 4:35 AM
દર્પણ એ કન્ડીશનીંગ છે.
તમે ધ્યાન રાખો છો વહેતી પળોનું,
પળેપળને વહેતી શું માણી શકો છો ?
સુંદર પંક્તિઓ…
વેહતી પળોને માણવા માટે અવેરનેસ જોઇએ,માત્ર શબ્દોથી કશું ન વળે.
urvashi parekh said,
March 8, 2014 @ 7:32 AM
ખુબ જ સરસ રચના.
Manubhai Raval said,
March 8, 2014 @ 12:34 PM
તમે ધ્યાન રાખો છો વહેતી પળોનું,
પળેપળને વહેતી શું માણી શકો છો ?
બહોત ખુબ ક્યા બાત હૈ
Maheshchandra Naik (Canada) said,
March 8, 2014 @ 1:40 PM
તમે ધ્યાન રાખો છો વહેતી પળોનુ,
પળે પળ્ને વહેતી શું માણી શકો છો?
આ વહેતી પળને માણવાની વાત જ કવિહ્દ્દ્યની સ્વેદના વ્યક્ત કરે છે…………………
bhupendra said,
March 8, 2014 @ 10:52 PM
વાહ…. તમે ધ્યાન રાખો છો વહેતી પળોનુ,
પળે પળ્ને વહેતી શું માણી શકો છો?
Sureshkumar G. Vithalani said,
March 9, 2014 @ 8:31 AM
AN EXCELLENT GAZAL, INDEED ! CONGRATULATIONS TO Dr. MANOJ JOSHI. THANKS TO YOU.
Dr.Manoj L. Joshi "Mann" ( Jamnagar) said,
March 9, 2014 @ 12:42 PM
સૌ મિત્રો…. અને વિવેકભાઈ….ખુબ ખુબ આભાર…..
હેમંત પુણેકર said,
March 10, 2014 @ 3:44 AM
સુંદર ગઝલ!
Harshad said,
March 11, 2014 @ 8:15 PM
Really beautiful and meaningful Gazal!!!!
ડૉ.મહેશ રાવલ said,
March 13, 2014 @ 12:28 AM
વાહ મનોજભાઈ…
સરસ અને સશક્ત ગઝલ.
-અભિનંદન.
jigar joshi prem said,
March 13, 2014 @ 6:32 AM
બહુ જ સુંદર ગઝલ છે….અભિનંદન
smita parkar said,
March 13, 2014 @ 7:33 AM
વાહ ખુબ સુન્દર ગઝલ ….