લૂંટી ગઈ જે ચાર ઘડીના પ્રવાસમાં,
યુગ યુગની ઓળખાણ હતી, કોણ માનશે ?
શૂન્ય પાલનપુરી

અમે તો પરપોટાની જાત – નેહા પુરોહિત

parpoTo_neha

*

અમે તો પરપોટાની જાત
હેત કરીને આપી તેં તો સોય તણી સોગાત!!!
અમે તો પરપોટાની જાત…

ભેટ મળી વહાલમની તો પણ કેમ રાખવી માયા ?
પોત અમારું કાચું, સાજન ! પવન તણી છે કાયા,
જળની મૂરત – ફૂંક તણો યે ક્યાં સહેશે આઘાત ?
અમે તો પરપોટાની જાત…

સૂરજ થઈને પસવારી દે તેજ કિરણનાં બાહુ
મારા ગ્રહકૂંડળનાં સઘળાં સ્થાને તુજને સ્થાપુ
એક ટશરના બદલે આપી દઈએ રંગો સાત
અમે તો પરપોટાની જાત…

– નેહા પુરોહિત

વહાલ વેરતા વેલેન્ટાઇનના દિવસે વેરી વહાલમને સળી કરતું વેલ-ઇન-ટાઇમ ગીત !

પરપોટા જેવી નાજુક પ્રિયતમા અને સોયની અણી ભેટ ધરતો બરછટ વહાલમ… કવયિત્રી કેવી કમનીયતાથી પરપોટાની ઓથમાં પોતાના લવચિક સ્નેહને વ્યક્ત કરે છે ! સોયની અણીની ભેટ ભલે વહાલમની કેમ ન હોય, જેને એક ફૂંકનો આઘાતેય જાનલેવા હોય એવો પરપોટો વળી કેમ કરીને એને હૈયે ચાંપી શકે? પણ તોય જો વહાલમ જીવનમાં પ્રકાશ થઈ આવવા ચહે તો પોતાનાં બધા જ પૂર્વગ્રહો ત્યજીને બધાં સ્થાને એને સ્થાપવા પ્રેયસી તૈયાર છે. સૂર્યનું એક કિરણ પડતાં  જ પરપોટા પર ખીલી ઊઠતાં સાત રંગોની હકીકત જે રીતે શબ્દોમાં વણી લેવાઈ છે એ ગીતને કવિતાની, સારી કવિતાની કક્ષાએ આણે છે…

હેપ્પી વેલ-ઇન-ટાઇમ ડે, દોસ્તો !

 

 

6 Comments »

  1. Vijay Shah said,

    February 14, 2014 @ 9:31 am

    એક ટશરના બદલે આપી દઈએ રંગો સાત….
    સુપર્બ..
    વિવેક ભાઈએ કાવ્યાસ્વાદ કરાવી ઉત્તમ ગીતને વધુ ઉંચા આભે પહોંચાડ્યુ…બંને ને તેઓનાં કાવ્યકર્મ માટે અગણીત અભિનંદનો

  2. P.P.Mankad said,

    February 14, 2014 @ 11:55 am

    Simply SUPERB !

  3. Dhaval Shah said,

    February 14, 2014 @ 3:45 pm

    ભેટ મળી વહાલમની તો પણ કેમ રાખવી માયા ?
    પોત અમારું કાચું, સાજન ! પવન તણી છે કાયા,
    જળની મૂરત – ફૂંક તણો યે ક્યાં સહેશે આઘાત ?
    અમે તો પરપોટાની જાત…

    – સરસ !

  4. sudhir patel said,

    February 14, 2014 @ 4:15 pm

    ખૂબ સુંદર ગીત!
    સુધીર પટેલ.

  5. Harshad said,

    February 14, 2014 @ 9:11 pm

    Neha, really beautiful. like it most. Enjoyed. sachu kahu to BAHUT KHUB!!!!

  6. Pravin Shah said,

    February 16, 2014 @ 4:32 am

    ખૂબ સુંદર ગીત!

RSS feed for comments on this post · TrackBack URI

Leave a Comment