રૂમાલ – રમેશ પારેખ
એક છોકરીના હાથથી રૂમાલ પડે
એ લેવા આખુંય ગામ વળે નીચે
જુવાન આંખ ફાડે, બુઢ્ઢાઓ આંખ મીચે.
નામ કોનું રૂમાલમાં આ છોકરીએ ભર્યું છે,
એ બાબત પર ઠેર ઠેર ગરમી.
પડ્યા ગામના બગીચાઓ ખાલી કુંજાર
અને નાસ્તિકો થઇ ગયા ધરમી.
કારણ કે મંદિરે જાય છોકરી તો
લોક શું કરવા ટળવળે બગીચે ?
ગંધ છોકરીની આવી જે જીવને તે જીવની
ગંભીરતામાં પડી ગયો ગોબો.
સહુ છોકરાને અરીસાઓ ઠપકો આપે
કે જરા મોઢાઓ માંજો ને શોભો.
કારણ કે ફળિયાના હીંચકે આ છોકરી
એકલી બેસીને રોજ હીંચે.
-રમેશ પારેખ
શું જોરદાર વાત છે !!!!
ધવલ said,
January 20, 2014 @ 6:05 PM
ગંધ છોકરીની આવી જે જીવને તે જીવની
ગંભીરતામાં પડી ગયો ગોબો.
સહુ છોકરાને અરીસાઓ ઠપકો આપે
કે જરા મોઢાઓ માંજો ને શોભો.
– સરસ !
વિવેક said,
January 21, 2014 @ 1:00 AM
શ્યામલ-સૌમિલના સ્વરાંકનમાં આ ગીત સાંભળવું એય એક લહાવો છે…
perpoto said,
January 21, 2014 @ 4:25 AM
શોભિત દેસાઇએ ર.પા. ને અપાર અમસ્તા નહીં કહ્યાં હોય….
haresh mavani said,
January 21, 2014 @ 10:01 AM
Excellent……..One More PLzzzzz……..
Maheshchandra Naik (Canada) said,
January 21, 2014 @ 3:21 PM
સરસ રચના, સગીતમય રચના બહુ આનદ આપી જાય છે, આભાર……………….
Harshad said,
January 23, 2014 @ 8:22 PM
સુન્દર !!
yogesh shukla said,
January 25, 2014 @ 6:20 AM
સુંદર રચના ,
એક છોકરી ના હાથમાંથી રૂમાલ પડે ,
તેને લેવા આખું ગામ નીચે વળે,
” આભાર ” શબ્દ સાંભળવા
યુવાન એનો કાન પોહ્ળો કરે, ……….
vipul mangroliya said,
January 30, 2014 @ 7:13 AM
વાહ એકદમ સુંદર
રો'ત said,
January 22, 2015 @ 4:24 AM
પ્રેમએ મારી જિંદગી છે.