નયનને બંધ રાખીને મે જયારે તમને જોયા છે
તમે છો એના કરતાં પણ વધારે તમને જોયા છે
બરકત વિરાણી 'બેફામ'

લયસ્તરો બ્લોગનું આ નવું સ્વરૂપ છે. આ બ્લોગને  વધારે સારી રીતે માણી શકો એ માટે આ નિર્દેશિકા જોઈ જવાનું ચૂકશો નહીં.

Archive for મયંક ઓઝા

મયંક ઓઝા શ્રેણીમાંના બધા પોસ્ટ (કક્કાવાર), સંપૂર્ણ પોસ્ટ માટે ક્લીક કરો.

ગઝલ - મયંક ઓઝા



ગઝલ – મયંક ઓઝા

એક નિઃશ્વાસને સજાવી જો,
વાંસળી લે ને ફૂંક મારી જો.

મીણ જેવો હતો મુલાયમ જે,
કેમ પથ્થર બન્યો ! વિચારી જો.

શક્ય છે રંગ અવનવા ઊઘડે,
બારણું સ્હેજ તું ઉઘાડી જો.

રાત માટે જ સૂર્ય ડૂબે છે,
એમ માનીને મન મનાવી જો.

એક દીવો હજુય સળગે છે,
એક મહેફિલ હજુ જમાવી જો.

– મયંક ઓઝા

મજાની ગઝલ. ઘનમૂલક વિચારોવાળી રચનાઓ મળવી આમેય મુશ્કેલ.

Comments (1)